Туркиянинг “Истанбул Бошакшеҳир” клуби ярим ҳимоячиси Месут Ўзил бел қисмидаги операцияни муваффақиятли ўтказди.
“Операция яхши ўтди. Хабар ва дуолар учун барчага яна бир бор раҳмат”, — деб ёзди Ўзил ижтимоий тармоқда.
Олдинроқ ярим ҳимоячи тахминан уч ойни ўтказиб юбориши кераклиги хабар қилинганди.
33 ёшли немис футболчи июл ойида "Фенербахче"дан Истанбул клубига келиб қўшилган эди. У 2022/23 йилги мавсум охиригача шартнома имзолади.
Ўзил аввалроқ “Арсенал”, “Реал”, “Вердер”, “Шальке” клубларида тўп тепган. Шунингдек, у Германия терма жамоаси сафида 92 ўйин ўтказган.
