Turkiyaning “Istanbul Boshakshehir” klubi yarim himoyachisi Mesut O‘zil bel qismidagi operasiyani muvaffaqiyatli o‘tkazdi.
“Operasiya yaxshi o‘tdi. Xabar va duolar uchun barchaga yana bir bor rahmat”, — deb yozdi O‘zil ijtimoiy tarmoqda.
Oldinroq yarim himoyachi taxminan uch oyni o‘tkazib yuborishi kerakligi xabar qilingandi.
33 yoshli nemis futbolchi iyul oyida "Fenerbaxche"dan Istanbul klubiga kelib qo‘shilgan edi. U 2022/23 yilgi mavsum oxirigacha shartnoma imzoladi.
O‘zil avvalroq “Arsenal”, “Real”, “Verder”, “Shalke” klublarida to‘p tepgan. Shuningdek, u Germaniya terma jamoasi safida 92 o‘yin o‘tkazgan.
