Журналист Николо Скиранинг хабар беришича, "Арсенал"нинг собиқ ҳужумчиси Артуро Луполи Италиянинг "Монца" клуби ёшлар жамоаси мураббийи лавозимини эгаллайди.
Луполи бир вақтлар Италия ёшлар лигасининг юлдузи эди ва "Арсенал" 16 ёшли футболчи учун "Парма" клубига 200 минг фунт тўлаганди.
Бироқ, у ижара асосида юриб, инглиз клубининг асосий таркибида ўз ўрнини топа олмади.
Умуман олганда, Луполи фаолияти давомида 18 та жамоани алмаштирган.
35 ёшли футболчи 2022 йилда фаолиятини тугатганини маълум қилди. "Монца"да ишлаш унинг мураббий сифатидаги биринчи тажрибаси бўлади.
