"Манчестер Юнайтед" ярим ҳимоячиси Каземиро янги жамоасида асосий таркибда майдонга тушмаётгани сабаби маълум бўлди. "Қизил иблислар" бразилияликни ёзда Мадриднинг "Реал"идан 80 миллион евро эвазига сотиб олганди.
Журналист Фабрицио Романонинг сўзларига кўра, бош мураббий Эрик тен Хаг ҳали бразилиялик футболчининг асосий таркибда ўйнашга тайёрлигини ҳис қилмаяпти. Футболчи ҳали янги жамоа ва янги мамлакатга мослаша олмади.
"Манчестер Юнайтед"да Каземиро "Реал"га қараганда кўпроқ маош олади. Айни пайтда бразилияликни сотиб олиш бош мураббийи Эрик тен Хаг ташаббуси билан чиққан.
