"Бавария" ҳимоячилари Маттейс де Лигт ва Альфонсо Дэвис Чемпионлар лигаси 4-тури доирасида "Виктория Пльзень"га қарши ўйинни ўтказиб юборади, деб хабар беради журналист Флориан Плеттенберг.
Ҳар икки футболчи Германия чемпионатининг 12-туридан ўрин олган Дортмунднинг "Боруссия"сига қарши ўйинда (2:2) жароҳат олганди. Ярим ҳимоячи Серж Гнабрининг "Виктория"га қарши ўйиндаги иштироки сўроқ остида қолмоқда.
"Виктория" - "Бавария" учрашуви 12 октябрь, чоршанба куни бўлиб ўтади ва Тошкент вақти билан соат 23.59да бошланади. Мюнхенликлар 9 очко билан C гуруҳида пешқадамлик қилмоқда. Чехия жамоаси сўнгги, тўртинчи ўринни эгаллаб турибди, улар турнирдаги учта ўйинда ҳам мағлуб бўлишди.
