Афсонавий француз футболчиси Тьерри Анри Килиан Мбаппенинг "ПСЖ"даги роли ҳақида гапирди.
“Мен ўзимдан мисол келтираман. "Барселона"да узоқ ўйнашни сўрашлари менга ёқмасди. Мен буни ёмон кўрардим, лекин жамоа манфаати учун шундай ҳаракат қилишим керак эди.
Битта қоида бор: мураббий сиздан бирор нарса қилишни сўраса, бу ҳаракат жамоа учун фойдали бўлса, буни қилишингиз шарт.
Акс ҳолда сиз жанжаллашиб қоласиз. Шу жумладан, Мбаппе ҳам барча қоидаларга риоя қилиши зарур”, - дейди Анри.
Эслатиб ўтамиз, бугунги кунда Мбаппенинг қишда «ПСЖ»ни тарк этиш истаги ҳақида жуда кўп миш-мишлар тарқалди.
