"Ювентус" ярим ҳимоячиси Анхель Ди Мария 2022/2023 йилги УЕФА Чемпионлар лигаси гуруҳ босқичининг 4-турида Хайфанинг "Маккаби" клубига қарши ўйинда жароҳат олди ва 24-дақиқада алмаштирилди.
Аргентиналик футболчи ўрнига майдонга "Ювентус"нинг польшалик ҳужумчиси Аркадиуш Милик тушди. Ди Мария сон қисмидан жароҳатлади.
Эслатиб ўтамиз, ўтган ҳафта Ди Мария Чемпионлар лигаси гуруҳ босқичи 3-турида "Маккаби"га қарши ўйинда (3:1) учта голли узатмани амалга оширганди. Чемпионлар лигасида 38 та голли узатма билан Ди Мария 37 та голли узатмаси бор Мессидан ўзиб кетди.
Ди Мария "Ювентус"га ёзда "ПСЖ" билан шартномаси тугаганидан сўнг ўтган эди.
