"Милан" ярим ҳимоячиси Сандро Тонали келаси ёзда Англияга чемпионатига ўтиши мумкин. Calciomercatoweb сайти хабарига кўра, "Челси" футболчини ўз сафига қўшиб олмоқчи.
Манбага кўра, "Челси" Сандро Тоналини шартнома имзолаш учун муносиб номзод сифатида кўрмоқда. Лондон клуби Жоржиньо ва Кантенинг эҳтимолий кетишига ҳозирлик кўрмоқда. Бу футболчиларнинг шартномалари мавсум охирида тугайди.
Сандро Тоналининг "Милан" билан тузилган шартномаси 2027 йилнинг июнь ойи охиригача мўлжалланган. Тransfermarkt портали 22 ёшли ярим ҳимоячини 50 миллион еврога баҳоламоқда.
Октябрь ойида Сандро Тонали Чемпионлар лигаси доирасида "Челси"га қарши ҳар икки ўйинда ҳам 90 дақиқа ҳаракат қилди.
