Саудия Арабистони ахборот агентлиги Саудия Арабистони Қатарда бўлиб ўтадиган 2022 йилги жаҳон чемпионатига келган ва ишқибозлик гувоҳномасини кўтарган мухлисларга бепул киришга рухсат беришини хабар қилди.
Қатарда бўлиб ўтадиган жаҳон чемпионатида ҳар бир мухлис мамлакатга кириши ва турнир ўйинларига бориши учун "Hayya Card" картасини олиши керак бўлади. Шу билан бирга, Саудия Арабистони мухлисларнинг мамлакатга ташриф буюриши учун электрон виза олиш бўйича барча харажатларни ўз зиммасига олишга тайёр.
ЖЧ-2022 Қатарда 20 ноябрдан 18 декабрга қадар бўлиб ўтади. Унда 32 та жамоа иштирок этади.
