"Ювентус" ярим ҳимоячиси Уэстон Маккенни январь ойида жамоани тарк этиши мумкин.
АҚШлик футболчининг кетиши мумкинлиги ҳақидаги маълумотлар бир неча кун олдин Италия матбуотида пайдо бўлган эди. Маълумотни таниқли инсайдер Николо Скира тасдиқлади, унинг таъкидлашича, Маккенни раҳбарият режаларига киритилмаган, шу сабабли 24 ёшли футболчининг қишки трансфер ойнасида сотилиши тобора ойдинлашиб бормоқда. Ярим ҳимоячининг Англия Премьер-лигасига ўтиш эҳтимоли юқори.
Уэстон Маккенни 2021 йилнинг ёзида 20,5 миллион евро эвазига "Шальке-04"дан "Ювентус"га кўчиб ўтган эди. Жорий мавсумда АҚШ терма жамоаси футболчиси Массимилиано Аллегри жамоаси сафида 12 та ўйин ўтказиб, 1 та гол урди ва 1 та голли узатмага муаллифлик қилди.
