Европа лигаси гуруҳ босқичи 4-тури доирасида “Бетис” ўз майдонида “Рома”ни қабул қилди. Учрашув 1:1 ҳисобидаги дуранг билан якунланди. Андалусия жамоаси бош мураббийи Мануэль Пеллегрини бу натижа борасида ўз фикрлари билан ўртоқлашди.
“Плей-офф босқичига чиққанимиздан жуда хурсандман. Ўн очко тўпладик, бу жуда яхши кўрсаткич. Олдинда бизни иккита учрашув кутиб турибди, биз ўзимизга биринчи ўринни кафолатлашимиз керак", - деди бош мураббий УЕФА матбуот хизматига.
Ўн очко жамғарган “Бетис” ўз гуруҳида иккинчи ўриндаги “Лудогорец”ни уч очкога ортда қолдириб, биринчи ўринни эгаллаб турибди. “Рома” 4 очко билан учинчи ўринда бормоқда.
