Yevropa ligasi guruh bosqichi 4-turi doirasida “Betis” o‘z maydonida “Roma”ni qabul qildi. Uchrashuv 1:1 hisobidagi durang bilan yakunlandi. Andalusiya jamoasi bosh murabbiyi Manuel Pellegrini bu natija borasida o‘z fikrlari bilan o‘rtoqlashdi.
“Pley-off bosqichiga chiqqanimizdan juda xursandman. O‘n ochko to‘pladik, bu juda yaxshi ko‘rsatkich. Oldinda bizni ikkita uchrashuv kutib turibdi, biz o‘zimizga birinchi o‘rinni kafolatlashimiz kerak", - dedi bosh murabbiy UYEFA matbuot xizmatiga.
O‘n ochko jamg‘argan “Betis” o‘z guruhida ikkinchi o‘rindagi “Ludogores”ni uch ochkoga ortda qoldirib, birinchi o‘rinni egallab turibdi. “Roma” 4 ochko bilan uchinchi o‘rinda bormoqda.
