"Ливерпуль" бош мураббийи Юрген Клопп Англия чемпионатининг 11-тури доирасида "Манчестер Сити"га қарши бўлиб ўтадиган ўйиндан олдинги фикрлари билан ўртоқлашди.
"Менга ўйинларга тайёргарлик кўриш ёқади. Лекин бу футболда дуч келиши мумкин бўлган энг катта қийинчилик, чунки бўш худудларни ёпиш, ўйинчиларни ёпиш ва худудларда тўғри ишлаш керак бўлади. Аммо “Манчестер Сити”ни ёпсангиз, улар бошқа жойни очишади. Сиз бу бўшлиқни ёпсангиз, бошқасини очасиз. Шу тариқа бу доим қийинчилик бўлади.
Ҳа, улар ҳозирда дунёнинг энг яхши футбол жамоаси. Лекин биз ҳеч қандай кафолатлар йўқлигини билиб, барибир ҳаракат қиламиз. "Энфилд" бизга ёрдам беради ва биз ундан фойдаланишга ҳаракат қиламиз", - деди Клопп.
“Ливерпуль” – “Манчестер Сити” учрашуви 16 октябрь куни Тошкент вақти билан соат 20:30да бошланади.
