Туриннинг "Ювентус" клубининг собиқ футболчиси, 1982 йилги жаҳон чемпиони Марко Тарделли клубдаги вазиятдан хавотирда. У аллақачон “Ювентус” Массимилиано Аллегри билан хайрлашиш вақти келганига шаъма қилган ва энди у нима учун бундай фикрда эканлигини тушунтириб берди. Бироқ, Тарделлининг фикрича, гап фақат мураббийда эмас.
“Ювентус” борган сари саросимага тушиб, адашгандек кўринмоқда. Майдонда ҳам, майдон ташқарисида ҳам қарорлар йўқ. Ҳаммаси қандайдир ноаниқ. Бу ерда ҳамма айбдор, Аллегри, футболчилар ва бутун клуб. Маротта ва Пирло билан ажралиш каби катта хатоларга йўл қўйилди", - деди Тарделли La Stampa билан суҳбатда.
