Якуб Блашиковскини камида 5 йил илгари футбол томоша қила бошлаган мухлислар ҳам таниса керак. Унинг фаолиятидаги энг йуқои чўққи "Боруссия Дортмунд" бўлган. Унинг фаолиятидан кўра ҳаёт ҳикояси кўпроқ машхурликка эришган. Қуйида "Куба"нинг шахсий ҳаётида содир бўлган аянчли воқеа ҳақида сўз юритамиз.
Якуб ўзи ўйнаган жамоа мухлисларининг севимлиси эди ва шунингдек, Польша терма жамоаси сардори ҳам бўлган. Блашиковски ҳар сафар гол урганида қўлларини юқорига кўтариб, осмонга ишора қилади. Куба - мухлислари уни шундай чақирар эди. Майдонда унинг курашувчанлиги доим мухлисларга ёққан. У енгилиш ҳақида ўйламас эди. Якуб болалигидан шундай бўлган, чунки 10 ёшида у даҳшатли фожиани бошдан кечирган ва гувоҳи бўлган.
"Онам сўнгги нафасини қучоғимда олди"
Куба Польша жанубидаги Трусколаж номли кичик шаҳарчада ўсган. Бир неча минг кишилик қишлоқда ҳамма бир-бирини танийди, шунинг учун қўшниларнинг эътиборидан ҳеч нарсани яширишнинг иложи йўқ эди. Шундай қилиб, маҳаллий бозорда Зигмунд Блашиковски (Якубнинг отаси) маст ҳолда юргани ҳақидаги гаплар қишлоқда кўп овоза бўларди.
Бир куни Зигмунд Блашчиковскига қариндошларининг тўйида бир эркак унинг хотини билан ноз-карашма қилаётгандек туюлди. Ёқубнинг отаси ўша эркакни уриб тўйни бузди (бизнинг баъзи тўйларда учраб турадиган жанжал каби). Шу туфайли у ишидан: маҳаллий мактабда жисмоний тарбия ўқитувчиси лавозимидан бўшатилганди.
Яна ичкиликбозликдан кейин уйга келган Зигмунд хотинини калтаклашни бошлаган. Шу дақиқаларда унинг икки ўғли шунчаки ўз хонасига яшириниб шунчаки йиғлашарди, чунки улар оталарига қаршилик кўрсатиш учун жуда кичкина эдилар. Одатда ҳамма нарса юзга шапалоқ уриш билан чекланар эди. Лекин қачондир бунинг оқибати оғир бўлиши турган гап эди.
Мен иккинчи қаватда ўйнаб юрган эдим, ота ва онамнинг жанжаллашаётганини эшитдим. Дераза очиқ, ҳовлида улар нима ҳақида гапираётганини эшитиб турардим. Отам онамга бақирарди. Кейин онамнинг қичқириғини эшитдим. Мен дарҳол пастга югурдим. Отамнинг қўлида пичоқни кўрдим. Онам ерда ётар эди. Мен дарҳол ҳамма пастга тушсин деб бақирдим, чунки онам қонга беланган эди. Югуриб онамнинг олдига келиб, қон оқаётган қўлини олдим. У охирги уч нафасини олди... ва кейин жимжитлик. Сукунат. Онам менинг қўлимда вафот этди", - деб эслайди Куба ўз таржимаи ҳолида.
Зигмунд хотинини пичоқлаб қўйган эди. Пичоқ аорта томирини кесиб ўтганди. Куба бу воқеанинг гувоҳи бўлганда ўн ёшда эди. Кейин анча вақт Куба ўзига кела олмаган. Шу вақт давомида унинг бошидан битта савол кетмади: «Нега?». Ота 15 йилга озодликдан маҳрум этилди, бу вақт давомида ўғли уни ҳеч қачон кўрмаган.
Блашиковскини бувиси ва амакиси Ержи Бечек тарбиялаган, у ўзи футболчи бўлган ва Поьлша терма жамоасида ўйнаган. Айнан у жиянининг "Краков Висла"га ўтишига ҳисса қўшган, ярим ҳимоячи кейинчалик «Боруссия» клубига ўтган.
Блашчиковски ўзини ўлдирмоқчи бўлган
Куба 14 ёшида уйдан қочиб кетган. Аввалига футбол у учун кўп нрса бермаган, у ўзининг йўлдан озганлиги ва қўпол характери учун академиялардан ҳайдалган. Блашиковски уйдан қочиб одамлар йўқ жойга борган. У ерда бўш шиша топиб, уни синдирди, кейин ... Қўлидаги қонни кўриб, у шиша парчасини ташлаб юборган. Ўсмир ваҳимага тушиб, хато қилаётганини англаган. Билагидаги чандиқлар ҳамон ўша кунни эслатади.
"Онамнинг ўлимидан сўнг мен яшашга бўлган умидимни йўқотдим. Бу синов пайтида мен хатоларга йўл қўйганман. Ва яралар буни унутишга имкон бермайди. Бувим ва амаким менга ёрдам беришди ва мен доимо миннатдорман. "Қийинчиликлар мени янада кучлироқ қилди, иродамни чиниқтирди", дейди Блашиковски.
Зигмунд 2011 йилда қамоқдан озод қилинган. Куба отасини ҳеч қачон кечирмаган ва у билан бирга яшашни истамаган. Аммо кўп ўтмай, улар Польшадаги футбол турнирларининг бирида тасодифан учрашишди, у эрда Блашиковскининг акаси тўп сурарди. Ярим ҳимоячи отасига фақат битта савол берди: "Нима учун?" У жавоб эшитди: "Бу сизлар ўйлаган нарса эмас". Шундан сўнг Куба отаси билан умуман кўришмаган.
Бу уларнинг оналари вафотидан кейинги ягона суҳбати эди. Ўша учрашувдан бир йил ўтиб Зигмунд вафот этди. Қамоқхонада у жигар циррози билан касалланган ва оғир касаллиги сабаб қамоқдан озод қилинган.
"Мен ўзимдан тез-тез сўрардим, агар мен кучлироқ ва каттароқ бўлганимда, қотилликнинг олдини олардимми? Лекин ойчан кайфиятдаги бу саволлардан фойда йўқ эди. Мен ҳар доим айтаман: ҳаётнинг ҳақиқий қийматини билиш учун сиз қийинчиликни ҳис қилишигиз керак. “Албатта, мен дунёдаги энг оғир тақдирга эга одам эмасман.
Куба маҳаллий клубни қутқарди
Блашиковскига қийин дамларда уни бувиси ва амакиси қўллаб-қувватлаб, жамиятга қайтишига ёрдам берди. Аммо ҳамма ҳам ёрдам беришга тайёр бўлган яқин одамларни топа олмайди. Куба пул ишлашни бошлаши биланоқ, у дарҳол Польшада ёрдам фондини очди.
Жамғарма зўравонликка учраган ва ўз жонига қасд қилиш ҳақида ўйлаган вояга этмаган болаларга ёрдам беради. Куба камбағал ўсмирларга мунтазам равишда моддий ёрдам беради, йигитларга нормал ҳаёт кечиришларига имкон беради, шунингдек, барчага психологик ёрдам кўрсатади.
Куба ўз она шаҳридаги "Висла" футбол жамоасига ҳам ёрдам кўрсатди, у 2019 йилда туғилиб-ўсган жойига қайтиб келди. Футболчи ойига 100 евро маош эвазига футбол ўйнашга рози бўлган - Польша қонунларига кўра, энг кам маош 100 евро бўлган ва бундан кам ойлик бериш таъқиқланган. Клубнинг иши янада оғирлашганда, Блашчиковски керакли миқдорда пул топиб, жамоани қарзлари билан бирга сотиб олди ва уни банкротликдан қутқарди.
Энди Куба ҳам футболчи, ҳам «Висла»нинг эгаси, клубни Польша олий дивизионига қайтариш ниятида. Польякнинг карьераси кўпчилик учун аллақачон тугаган, лекин у ҳали мадонга тушади, ҳали гол уриш инстинктини йўқотгани йўқ. Ҳар бир урилган голдан кейин у қўлларини юқорига кўтариб, осмонга ишора қилади ва онасини ҳотирлайди.
Миржалол Пардабоев интернет материаллари асосида тайёрлади.
