"Ньюкасл"нинг янги раҳбарияти ёш иқтидорларни қўлга киритиш орқали таркибни кучайтириш борасидаги малакали сиёсатни давом эттирмоқда.
Дунёнинг энг бой клубларидан бирининг навбатдаги хариди аввалроқ “Вест Хэм”да ўйнаган 19 ёшли иқтидорли Амаду Диалло бўлди.
Келишув шартлари ошкор этилмаган, аммо маълумки, вингер 2022/2023 йилги мавсумни "Ньюкасл" ёшлар жамоаси таркибида ўтказади. 17 ёшгача бўлган Англия терма жамоаси собиқ футболчиси Лондон клуби билан шартномасини узайтиришдан бош тортгач, ёзда эркин агентга айланди.
Эслатиб ўтамиз, Англия Премьер-лигасининг жорий мавсумида "Ньюкасл" ўн турдан кейин олтинчи ўринда бормоқда.
