Мадриднинг “Реал” клуби ҳужумчиси Карим Бензема илгари “Барселона” футболчиси бўлиши мумкинлигини айтди. Француз 2009 йилда каталонияликлар сафига ўтишга яқин эди.
“Ўша даврда бир қанча клублар мен билан боғланишди. Улар орасида "Манчестер Юнайтед", "Интер" ва "Барселона"ни айтишим мумкин. Лекин мен “Реал”ни танладим. Мен бу лаҳзани яхши эслайман" - дея Бенземанинг сўзларини келтиради Onda Cero.
34 ёшли футболчи ўтган мавсумда "Реал" билан Ла Лига ва Чемпионлар Лигасида ғолиб чиқди ва ҳар иккала мусобақада ҳам энг яхши тўпурарга айланди. Мадрид клуби таркибида футболчи 2009 йилдан буён ўйнаб келмоқда.
