"Пари Сен-Жермен" ва Туриннинг "Ювентус" клублари келаси ёзда "Реал"нинг собиқ бош мураббийи Зинедин Зиданни клубга таклиф қилмоқчи, деб хабар беради Calciomercato.
Манбага кўра, Италия клубининг қизиқиши Массимилиано Аллегри бошчилигидаги мавсумнинг омадсиз бошлангани билан боғлиқ. Зидан туринликлар бош мураббийлигига асосий номзодлардан бири ҳисобланади.
"ПСЖ" ёзда Маурисио Почеттино истеъфога чиқарилганидан кейин Зиданни тайинлашдан манфаатдор эди, аммо бу лавозимни Кристоф Галтье эгаллади. "Реал"нинг собиқ бош мураббийига қизиқиш сақланиб қолмоқда ва Париж клуби Галтье жамоани тарк этган тақдирда уни тайинлаш ғоясига қайтиши мумкин.
Топ-клубларнинг қизиқишига қарамай, Зидан футбол бўйича Франция терма жамоасини бошқаришни режалаштираётгани айтилмоқда.
