Бокс бўйича оғир вазнда WBC йўналиши чемпиони Тайсон Фьюри Англиянинг 3-дивизионидан клуб сотиб олиши мумкин.
“Мен "Моркэм" клубини сотиб олишни ўйлаяпман, улар учинчи лигада ўйнайди. Мен бир неча миллионлаб сармоя киритиш ҳақида ўйладим... Шунчаки у ерга бир оз пул тикиб, клубни қўллаб-қувватлашни, унинг янада юқори бўлишига ёрдам бермоқчиман.
Мен буни ҳақиқатан ҳам ўйлаяпман. Менга "Моркэм"ни сотиб олишни таклиф қилишди. Қандай бўлмасин, мен уларнинг барча ўқув инфратузилмасига эгаман. Балки сиз ҳозир футбол клубининг янги хўжайинини кўраётгандирсиз"! - деди Фьюри.
