"Манчестер Юнайтед" дарвозабони Давид де Хеа "Бетис"га ўтиши мумкин. Fichajes нашрининг ёзишича, 31 ёшли дарвозабон келаси ёзда испан клуби билан шартнома имзолашга тайёр.
Аввалроқ, "қизил иблислар" бош мураббийи Эрик тен Хаг дарвозабоннинг ўйинидан мамнун эканлигини, аммо унинг келажаги борасида ҳали якуний қарорга келмаганини айтганди.
Де Хеа жорий мавсумда барча мусобақалар доирасида 14 та ўйинда майдонга тушиб, 18 та гол ўтказиб юборган ва 6 марта ўз дарвозаси дахлсизлигини сақлаб қолган.
Дарвозабоннинг “Манчестер Юнайтед” билан амалдаги меҳнат шартномаси 2023 йилнинг июнь ойи охиригача амал қилади. Тransfermarkt портали испаниялик дарвозабоннинг нархини 15 миллион еврога баҳоламоқда.
