Журналист Фабрицио Романонинг хабар беришича, "Милан" "Челси" ҳужумчиси Армандо Брояга қизиқиш билдирмоқда.
Манбага кўра, 21 ёшли албаннинг агенти милан клуби раҳбарияти билан учрашган. Шу билан бирга, футболчининг ўзи яқинда "Челси" билан кўп йиллик шартнома имзолаган ва Лондон клубини тарк этиш ниятида эмас.
Броянинг "Челси" билан шартномаси 2028 йилнинг ёзига қадар амал қилади. Жорий мавсумда у клуб сафида 11 та ўйин ўтказиб, 1 та гол уришга эришди.













