"Барселона" вингери Усмон Дембеле "Атлетик"га қарши ўйинда (4:0) бир гол ва учта голли узатмани амалга оширди.
25 ёшли футболчи 12-дақиқада ҳисобни очди ва кейинги 10 дақиқада Серхи Роберто ва Роберт Левандовскига ассистентлик қилди. Иккинчи бўлимда "Барселона" фақат битта гол билан чекланди. Бунда яна Дембеле ҳам иштирок этди: франциялик футболчи Ферран Торресга голли узатма берди. Оpta маълумотларига кўра, вингер 2017 йилда жамоага қўшилганидан бери энг самарали ўйинини ўтказди.
Умуман олганда, Усмон Дембеле Каталония гранди сафида 165 та ўйин ўтказган.
