Яқинда бутсасини "михга илган" Франк Рибери фаолиятидаги асосий хотиралари билан ўртоқлашди.
“2013 йилги Чемпионлар лигаси финали Дортмунднинг “Боруссия” клубини мағлуб этиб, кубокни қўлга киритганимиз қалбимда абадий қолади. Энг ёмон лаҳзалардан бири “Бавария”нинг Чемпионлар лигаси финалида “Челси”дан пенальтилар сериясида учралган мағлубият ва табиийки, ЖЧ-2006 финалида Италияга мағлубиятга учраганимиз.
Мен фаолиятим ва футболда қолдирган изим билан фахрланаман. "Олтин тўп" мен учун индивидуал миқёсда муҳим ютуқ бўларди, аммо мен усиз ҳам эришган ютуқларимни эслаб қолишларини истайман" - деди 39 ёшли франциялик эндиликдаги собиқ футболчи Sky билан суҳбатда.
