"Барселона" вингери Усмон Дембеле ноодатий тарзда гол урди.
Франциялик футболчи Испания чемпионати доирасидаги ўйинда “Атлетик” клуби дарвозасига боши билан гол урди.
Goal портали хабарига кўра, 25 ёшли футболчи ўзининг профессионал фаолиятида фақат иккинчи марта, шунингдек, "Барселона" таркибида биринчи марта шундай тарзда гол урди. Дембеле бош билан урилган биринчи ва шу кунгача сўнгги голни 2017 йилнинг февраль ойида Германия Бундеслигасида Дортмунднинг "Боруссия" жамоаси сафида урганди.
Жорий мавсумда Усмон Дембеле 15 та ўйинда "Барселона" сафида барча мусобақаларда 4 та гол урди ва 6 та голли узатмани амалга оширди.
