"Интер" ҳужумчиси Лаутаро Мартинес А Серияда чемпионлик учун кураш ҳақида гапирди.

"Бу йилги мақсадимиз чемпионлик эмас, чунки биз кўп очко йўқотганмиз. Ҳозир биз формага киришимиз керак", - деди Мартинес журналист Альфредо Педуллага.

25 ёшли аргентиналик ҳужумчи бу мавсумда барча турнирлар доирасида 15 ўйинда 7 та гол урди ва 3 та голли узатмани амалга оширди.

Миланнинг “Интер” клуби 11 учрашувда 21 очко жамғарган ҳолда Италия чемпионати турнир жадвалида еттинчи ўринда бормоқда.

Эслатиб ўтамиз, "нерадзуррилар" охирги марта 2020/21 йилги мавсумда А Серияда олтин медалларни қўлга киритган эди.