“Манчестер Юнайтед” ярим ҳимоячиси Антони ёзда “Реал”дан 80 миллион евро эвазига кўчиб ўтган ҳимоячи ярим ҳимоячи Каземиронинг ўйини ҳақида фикр билдирди.
"Ҳар доим Каземиро марказда бизнинг қўриқчимиз эканлигини айтганман. У жуда жиддий йигит. Ўйлайманки, у ҳужумкор футболчиларга голни ажойиб тарзда нишонлашни кўрсатиб қўйди", - деди Антони "Челси"га қарши ўйиндан кейин берган интервьюсида.
Лондоннинг “Челси” клубига қарши сафар ўйинида Каземиро “Манчестер Юнайтед” сафидаги илк голини урди. Бразилиялик футболчи ўйиннинг сўнгги дақиқаларида ҳисобни тенглаштирди ва жамоасига “Стэмфорд Бриж”дан бир очко олиб қайтиш имконини берди.
