"Ньюкасл" ярим ҳимоячиси Бруно Гимараэсга АПЛнинг топ-клублари қизиқиш билдирмоқда.
Goal Brazil хабарига кўра, ярим ҳимоячи келаси ёзда Жоржиньо ва Нголо Канте ўрнига бир нечта ярим ҳимоячиларни сотиб олмоқчи бўлган Лондоннинг "Челси"сининг қизиқишлари доирасига тушиб қолган. Эслатиб ўтамиз, ҳар икки футболчининг шартномаси мавсум охирида якунига етади.
Гимараэс 2022 йилнинг январидан бери "Ньюкасл"да тўп суради. Ўшандан бери бразилиялик футболчи ажойиб таассурот қолдиришга муваффақ бўлди ва кўплаб топ-клубларни қизиқтирди, улар орасида "Реал" ҳам бор.
"Ньюкасл"га ўтишдан олдин Гимараэс Лондоннинг "Арсенал" жамоасига ўтиши мумкин эди, аммо "канонирлар" "Лион"га керакли трансфер нархини тўлашдан бош тортишди.
