"ПСЖ" футболчиси Неймар келаси ҳафта Чемпионлар лигаси гуруҳ босқичидан ўрин олган "Ювентус" клубига қарши ўйинда иштирок этмайди. Бразилиялик футболчи сариқ карточкалари кўплиги сабабли учрашувни ўтказиб юборади.

Кеча Неймар Исроилнинг "Маккаби" жамоаси дарвозасига гол урди ва жамоасининг 7:2 ҳисобида ғалаба қозонишига ёрдам берди. Бразилиялик футболчи ўйинда сариқ карточка ҳам олди ва бу уни "Ювентус" билан сўнгги турда ўйнаш имкониятидан маҳрум қилди.

Неймар ҳисобида Франция чемпионатининг жорий мавсумида 9 та гол ва 7 та голли узатма бор. Футболчи Чемпионлар лигасида ҳам иккита гол урди ва иккита голли узатмани амалга оширди.

Эслатиб ўтамиз, кеча "Ювентус" 2013/14 йилги мавсумдан бери биринчи марта Чемпионлар лигасининг плей-офф босқичига чиқа олмади.