"Тоттенхэм" бош мураббийи Антонио Конте Чемпионлар лигаси гуруҳ босқичининг сўнгги туридан четлатилди.
The Guardian нашри хабарига кўра, УЕФА италиялик мутахассиснинг "Спортинг"га қарши ўйинда қизил карточка олгани учун бир ўйинга дисквалификация қилинганини тасдиқлаган.
Қайд этилишича, Антонио Контега нисбатан жазо янада қаттиқлашиши мумкин - УЕФА "шпорлар" устозининг ўйиндан кейинги сўзларини ўрганиши мумкин.
Эслатиб ўтамиз, Антонио Конте "Тоттенхэм"нинг ҳисобга олинмаган голи туфайли ғазабланган эди. “Спортинг” билан 1:1 ҳисобида ўйнаган лондонликлар муддатидан аввал Чемпионлар лигаси плей-офф йўлланмасини қўлга кирита олишмади.
“Тоттенхэм”нинг плей-офф йўлланмасини қўлга киритиши учун келаси ҳафта “Марсел”га қарши дуранг кифоя қилади.
