"Бавария" яримҳимоячиси Франк Рибери Италия шимолида йиғин ўтказаётган клуби машғулотларига қўшилди. У бошқа жамоадаошларидан алоҳида шуғулланмоқда.
- Яна "Бавария" сафида эканлигимдан хурсандман. Энди бош мақсад - яна совринлар ютиб олиш, - дейди Рибери клуб расмий сайтига.
Бу йилгиси билан ҳисоблаганда олтинчи мавсумни мюнхенликлар сафида бошлаётган Рибери 22 июль куни жамоасининг Осиё бўйлаб турнеси олдидан жамоадошлари сафига қўшилади.
Турне доирасида Юпп Ҳайкенс шогирдлари Хитойнинг "Пекин" ва шунингдек "Вольфсбург" клублари билан ўйнайди. "Бавария" учун мавсум 12 август куни Германия суперкубогида "Боруссия"га қарши ўйин билан бошланади.
