Франция терма жамоаси бош мураббийи Дидье Дешам ЖЧ-2022ни Қатарда ўтказилиши ҳақида фикр билдирди.
Аввалроқ Франциянинг айрим шаҳарлари араб давлатидаги инсон ҳуқуқлари билан боғлиқ вазият туфайли турнир ўйинларини катта экранларда кўрсатмасликка қарор қилганди.
"Бу шаҳарларнинг ҳуқуқи, бундай қарор одамларга ўйинларни томоша қилиш учун зарар келтирмайди, томошабинлар сони бир хил бўлади.
Мен ҳеч кимни муҳокама қилмоқчи эмасман, чунки мен шахсий одам эмас, балки миллий терма жамоа бош мураббийиман. Мураббий сифатида мен ҳам худди футболчилар каби бу мусобақада қатнашаман. Аммо, турнирда иштирок этиш - Қатарда бўлаётган воқеаларни қўллаб-қувватлаш билан бир хил эмас.
Биз у ерда худди тўрт йил аввал Россияда ва саккиз йил аввал Бразилияда бўлгани каби меҳмон сифатида бўламиз.
Жаҳон чемпионатини Қатарда ўтказиш тўғрисидаги қарор бир неча ҳафта олдин эмас, 10 йилдан кўпроқ вақт олдин қабул қилинган”, — деди Дешам.
