"Тоттенҳэм" яримҳимоячиси Лука Модрич ўз жамоаси машғулотларида иштирок этмаяпти, дея хабар беради испан матбуоти.

Мавсум олдидан биринчи машғулотга келган хорват футболчиси ўз жамоадошлари ва бош мураббий Виллаш-Боаш билан саломлашди, аммо кийимини алмаштирмади ва майдонга чиқмади. Икки соатдан сўнг клубнинг ўқув-машғулот базасини тарк этди.

Эслатиб ўтамиз, Модрич Мадриднинг "Реал"ига ўтиш учун ҳамма нарса қилмоқда, у ерда уни Жозе Моуриньо интиқ кутмоқда. Айни пайтда клублар музокара олиб боришмоқда. Манбанинг хабар беришича, музокаралар олдинга силжиган.