Мадриднинг “Реал” клуби бош мураббийи Карло Анчелотти “Жирона”га қарши 12-тур учрашувидаги дуранг (1:1) ҳақида фикр билдирди.
“Бу қийин ўйин бўлди. Ҳозирги вазиятда бу нормал ҳолат. Аммо дарвозамизга белгиланган пеналти бизга қимматга тушди.
Пеналти йўқ эди. Асенсио тўпга қўли билан тегмади. Мен у билан гаплашдим. Бу энг қулай позиция эмас эди, лекин у чап қўли билан тўпга тегмади. Ва агар у тегса ҳам, у танага яқин эди. Билмайман, ҳакамлар пеналтини қаердан ўйлаб топишди. Бошқа ҳеч нарса дея олмайман.
Ла Лигада биз қўлимиздан келганидан икки очко кам жамғардик. Чоршанба куни бизда Чемпионлар лигаси гуруҳида биринчи ўринни эгаллаш имконияти бор. Биз буни қилишимиз керак, бу муҳим", - дея Анчелоттидан иқтибос келтиради АS.
