Madridning “Real” klubi bosh murabbiyi Karlo Anchelotti “Jirona”ga qarshi 12-tur uchrashuvidagi durang (1:1) haqida fikr bildirdi.
“Bu qiyin o‘yin bo‘ldi. Hozirgi vaziyatda bu normal holat. Ammo darvozamizga belgilangan penalti bizga qimmatga tushdi.
Penalti yo‘q edi. Asensio to‘pga qo‘li bilan tegmadi. Men u bilan gaplashdim. Bu eng qulay pozisiya emas edi, lekin u chap qo‘li bilan to‘pga tegmadi. Va agar u tegsa ham, u tanaga yaqin edi. Bilmayman, hakamlar penaltini qayerdan o‘ylab topishdi. Boshqa hech narsa deya olmayman.
La Ligada biz qo‘limizdan kelganidan ikki ochko kam jamg‘ardik. Chorshanba kuni bizda Chempionlar ligasi guruhida birinchi o‘rinni egallash imkoniyati bor. Biz buni qilishimiz kerak, bu muhim", - deya Anchelottidan iqtibos keltiradi AS.
