Антонио Конте катта муаммоларни ҳал қилиш учун "Тоттенхэм" трансфер бозорида фаол ишлаши кераклигини бир неча бор таъкидлаган. Шу билан бирга, "шпорлар" одатда трансфер масаласида камтарона ёндашади, айниқса Премьер-лиганинг бошқа топ-клубларига нисбатан.
"Тоттенхэм" президенти Даниэль Леви январь ойи трансфер бозорида Антонио Контени қўллаб-қувватламоқчи, дея хабар бермоқда Football Insider. Гўёки, хўжайин ўйинчиларни сотиб олиш учун катта харажатлар учун яшил чироқ ёқди.
Эслатиб ўтамиз, Антонио Контенинг "Тоттенхэм" билан амалдаги шартномаси жорий мавсум охиригача ҳисобланган. Клуб италиялик мутахассисни сақлаб қолмоқчи ва трансфер бозоридаги ҳаракат мураббийнинг жамоада қолишига ёрдам бериши мумкин.
