Испания Ла Лигаси президенти Хавьер Тебас аргентиналик ҳужумчи Лионель Мессининг Франция чемпионатидаги фаолияти ҳақида гапирди. 2021 йилнинг ёзидан буён 35 ёшли ҳужумчи "ПСЖ"да ўйнамоқда.
"Месси нафақат Ла Лигада, балки бутун дунё футболида етишмаяпти. Франция чемпионати нима? Леонинг "ПСЖ"да қандай ўйнаши ҳеч кимни қизиқтирмайди. Парижликларнинг "Нант"га қарши ўйини кимга қизиқ? У ерда Мессини "Барселона"да ўйнаган пайтга қараганда камроқ томоша қилишади", - деди Ла Лига раҳбари Ole билан суҳбатда.
Франция чемпионатининг жорий мавсумида ҳужумчи 12 та жанг ўтказиб, 7 та гол ва 10 та голли узатмани амалга оширган.
