Лионель Мессида Криштиану Роналдунинг Чемпионлар лигаси тарихидаги энг яхши ассист рекордини янгилашга имкон бор.

Кеча Чемпионлар лигаси гуруҳ босқичининг 6-туридан ўрин олган "ПСЖ" - "Ювентус" (2:1) ўйинида аргентиналик ҳужумчи Килиан Мбаппега голли узатмани амалга оширди.

Эндиликда Мессида Чемпионлар лигасида 40 та голли узатма бор - у бу кўрсаткич бўйича тарихда иккинчи ўринда туради.

Роналду ҳамон 42 та голли узатма билан пешқадамлик қилмоқда. Бироқ жорий мавсумда “Манчестер Юнайтед” ҳужумчиси ўз статистикасини яхшилай олмайди – у клуб билан Европа Лигасида ўйнайди.

“Ювентус” вингери Анхель Ди Мария 38 голли узатма билан учинчи ўринда. Тўртинчи ўринда "ПСЖ" ҳужумчиси Неймар Чемпионлар лигасида 33 та голли узатмани амалга оширган.