Германия терма жамоаси ва Мюнхеннинг "Бавария" клуби собиқ футболчиси Маркус Баббель "РБ Лейпциг" ҳужумчиси Тимо Вернернинг жароҳат олгани, шу сабаб ҳужумчи Қатарда бўлиб ўтадиган жаҳон чемпионатида "Бундестем"га ёрдам бера олмаслиги ҳақида гапирди.
Sky Sports журналисти билан суҳбатда Баббель терма жамоага ҳужумчиларнинг муқобил вариантларини таклиф қилди. Унинг фикрича, марказий ҳужумчи ўрнида Томас Мюллер ёки Кай Ҳаверц ўйнаши мумкин.
Эслатиб ўтамиз, жаҳон чемпионати 20 ноябрь куни бошланади. Жаҳон чемпионатининг гуруҳ босқичида Германия терма жамоаси Япония, Испания ва Коста-Рика терма жамоалари билан учрашади.
