Россия терма жамоаси бош мураббийи Валерий Карпин терма жамоа билан ишлашда давом этади.
Россия футбол иттифоқи (РФИ) ўзининг расмий сайтида 53 ёшли мутахассис билан шартнома узайтирилганини маълум қилди. Янги шартнома 2024 йилнинг 1 августигача мўлжалланди.
"Биз Валерий Карпин ва унинг мураббийлар штаби билан шартномани узайтириш бўйича келишувга эришганимизни мамнуният билан эълон қиламиз", - деди РФИ президенти Александр Дюков.
Россия терма жамоаси бўлажак ўйинни 17 ноябрь куни Душанбеда Тожикистон терма жамоаси билан, 20 ноябрь куни эса Карпин шогирдлари Тошкентда Ўзбекистон терма жамоаси билан ўйнайди.
