"Тоттенхэм" бош мураббийи Антонио Конте Англия футбол ассоциациясини Қатардаги мундиал якунланганидан сўнг футболчиларга ҳордиқ чиқариш имконини бермаётганини танқид қилди.
"Италия, Франция, Испания, Португалия чемпионатларини кўрсангиз улар дам олишга вақт ажратадилар. Бу жинниликни 21 декабрда кўришингиз мумкин. Чунки Жаҳон чемпионати финалидан уч кун ўтиб биз Лига кубогида ўйнаймиз. Яна уч кундан кейин АПЛда майдонга чиқамиз. Фақат ақлдан озиш мумкин" - деди Конте.
Қатар яшил майдонларидаги Жаҳон чемпионати 20 ноябрь куни старт олади. Англия терма жамоаси Эрон, Уэльс, АҚШ билан бирга "B" гуруҳидан ўрин олган.