"Манчестер Юнайтед" ярим ҳимоячиси Фред "Тоттенхэм"га (2:0) қарши ўйинда стадионни муддатидан олдин тарк этган Криштиану Роналду билан юзага келган можаро ҳақида фикр билдирди.
"Ҳар ким ўзига хос тарзда ҳаракат қилади. Ҳамма майдонга тушиб, жамоага ёрдам беришни хоҳлайди.
Ўйнамасанг, хафа бўласан, бу ҳам нормал ҳолат. Бу менда ҳам, бошқа ўйинчиларда ҳам бўлган. Бу футболнинг бир қисми.
Мен Тен Хаг билан гаплашдим, асосийси, ҳозир ҳаммаси жойида. Қайтгандан бери у яна гол урди, бу муҳим ва умид қиламанки, у шундай давом этади ва "Манчестер Юнайтед"да ажойиб мавсум ўтказади.
У майдонда ҳам, ундан ташқарида ҳам жуда муҳим футболчи", — дейди Фред.
