“Манчестер Юнайтед” ҳимоячиси Аарон Ван-Биссака қишки трансферлар вақтида “Кристал Пэлас”га қайтиши мумкин, деб хабар беради Daily Mail. "Юнайтед" футболчини ижарага бериб юборишни режалаштирмоқда, Ван-Биссака эса "Пэлас" тарбияланувчиси ва собиқ футболчиси.
Латерал 2019 йилда "Кристал Пэлас"дан 55 миллион евро эвазига "Манчестер Юнайтед"га ўтган эди. Ван-Биссака манкунианликларнинг асосий таркиб ўйинчиси эди, бироқ кейинчалик мураббийлар ишончини йўқотиб, асосий таркибдаги ўрнини ҳам йўқотди.
24 ёшли ҳимоячи жорий мавсумда “қизил иблислар” сафида атиги 4 дақиқа ўйнади.