"Манчестер Сити" ва Англия терма жамоаси ярим ҳимоячиси Фил Фоден мухлислар томонидан унга қўйилган "Стокпортлик Иньеста" лақабига муносабат билдирди. Аниқлик киритиб ўтиш жоизки, 22 ёшли футболчи Стокпортда туғилган.
“Бу яхши илтифот, лекин нима учун менга бундай лақаб берилганини билмайман. Андрес Иньеста жуда яхши футболчи", - деди Фоден Esquire нашрига.
Фил Фоден 2022/2023 йилги мавсумда “Манчестер Сити” сафида 19 та ўйинда майдонга тушган. Уларда ярим ҳимоячи еттита гол урди ва шерикларига учта самарали узатма берди.
“Манчестер Сити” навбатдаги ўйинини 9 ноябрь куни Англия кубогининг 3-босқичи доирасида “Челси”га қарши ўтказади.
