Италия А Cериясининг 13-турида “Интер” "Ювентус"га қарши ўйинда (0:2) мавсумдаги бешинчи мағлубиятини қабул қилиб олди. "Интер" клубининг собиқ дарвозабони, ўтган асрнинг 90-йилларида порлаган Жанлука Пальюка жамоани ёмон ўйин ўтказганини айтиб ўтди.
"Албатта, бу ёмон ўйин. Аслини олиб қараганда, "Ювентус"дан қабул қилиб олинган мағлубияти қўрқинчли эмас, аммо жамоа ўн учта ўйинда бешта мағлубиятга учраган. Бу ўтган мавсумдагидан кўпроқ. Демак, Скудетто учун курашиш қийин бўлади. Пешқадамдан 11 очко ортда қолиш - катта фарқ" - деди Пальюка fcinter1908.it билан суҳбатда.
