Каталониянинг “Барселона” клуби ҳужумкор футболчиси Рафинья Диас Испания чемпионатининг 14-тур учрашувида “Осасуна” дарвозасига урган голи ҳақида гапирди. "Кўк-анорранглилар" 2:1 ҳисобида иродали ғалабани тантана қилишди.
"Бундай пайтларда сиз тезда қарор қабул қилишингиз керак. Мен айнан шундай қилдим. Де Йонг яхши пас берди, кейин мен қочиб кетдим ва зарба бериш учун тўғри вақтни кутдим", - деди бразилиялик футболчи Barca Time билан суҳбатда.
Кечаги муваффақият эвазига "кўк-анорранглилар" 37 очко тўплади ва Ла Лига турнир жадвалида пешқадамликни давом эттирмоқда. Каталонияликлар “Реал”дан 5 очко олдинда.













