"Манчестер Юнайтед" ярим ҳимоячиси Каземиро Европа лигаси 1/16 финалида беллашадиган "Барселона" клуби ҳақида гапирди.
Эслатиб ўтамиз, 30 ёшли бразилиялик футболчи ёзда "Реал"дан "қизил иблислар" сафига ўтган эди.
"Мен "Барселона"ни жуда яхши биламан, улар катта клуб. Аммо ўйин тез орада бўлмайди. Биз бу ўйин ҳақида эмас, балки бўлажак ўйинлар ҳақида ўйлаяпмиз ва бир неча ойдан сўнг ҳар икки жамоанинг формасини кўриб чиқамиз. Бу ўзига хос ўйин", - деди Каземиро.
Эслатиб ўтамиз, ушбу қарама-қаршиликнинг илк ўйини келаси йилнинг 16 февралида, жавоб ўйини эса 23 февралда бўлиб ўтади.
