Мадриднинг “Атлетико” клуби вингери Янник Карраско фаолиятини Англияда давом эттириши мумкин. Sport Witness нашрининг хабарига кўра, 29 ёшли бельгиялик футболчига "Ньюкасл" қизиқиш билдирмоқда.
Қайд этилишича, Мадрид клуби таклиф олгач, Карраскони сотишга тайёр бўлади. Қишки трансфер ойнасида "матрасчилар" еврокубоклардан эрта чиқиб кетгани учун бюджетни тўлдиришлари керак.
Янник Карраско 2022/2023 йилги мавсумда 18 та ўйинда майдонга тушди. Уларда бельгиялик футболчи иккита гол урди ва шерикларига иккита самарали узатма берди.
Тransfermarkt портали Янник Карраскони 30 миллион еврога баҳоламоқда.
