"Барселона" ҳужумчиси Роберт Левандовски Каталония клубининг мавсумнинг ушбу босқичидаги ҳолати ҳақида гапирди, шунингдек, келаси йилги совринларни башорат қилди.
"Барселона”да эканлигимдан жуда хурсандман. Мен шунчаки клуб эмас, балки катта клубга тегишли эканлигимдан фахрланаман. Биз буюк марралар сари кетяпмиз ва ишончим комилки, келгуси йил биз учун жуда яхши бўлади. Биз сабр-тоқатли бўлишимиз керак, чунки биз қурилиш ва мослашиш босқичидамиз.
Чемпионатда ҳозир яхши ишлаяпмиз, аммо Чемпионлар лигасида баъзи хатоларга йўл қўйилди, шу сабаб турнирда иштирок этишни давом эттира олмадик. Аммо "Валенсия" ёки "Осасуна" билан бўлган ўйинлар жамоанинг ўзига ишончи ва ғалабага бўлган иштиёқи зўр эканлигини кўрсатади. Биз кўп нарсага эришамиз.
Мен гол уришни яхши кўраман ва яна "Олтин бутса"ни олишга ҳаракат қиламан, лекин асосийси - жамоавий совринлар. Мен "Барса"даман ва бу ерда улар фақат битта нарсани хоҳлашади - чемпионликни қўлга киритиш", - деди польшалик ҳужумчининг сўзларидан иқтибос келтиради Sport.es нашри.
