Аргентина терма жамоаси бош мураббийи Лионель Скалони Лионель Мессининг келажаги ҳақида гапирди.
Аввалроқ Лионель Месси Қатардаги жаҳон чемпионати унинг фаолиятидаги сўнггиси бўлишини айтганди.
“Умид қиламанки, бу Месси учун охирги жаҳон чемпионати бўлмайди. У майдонда бахтли ва кўпчиликни хурсанд қилади. Балки у кўпроқ ўйин ўйнайди, чунки футбол олами буни талаб қилмоқда" - деди Скалони CNN Radio билан суҳбатда.
Лионель Месси 2006 йил (Аргентина 1/4 финалга чиққан), 2010 (1/4 финал), 2014 (финал) ва 2018 (1/8 финал) да жаҳон чемпионатларида ўйнаган.
Қатардаги жаҳон чемпионатида Аргентина терма жамоаси Польша, Мексика ва Саудия Арабистони терма жамоалари билан бир гуруҳдан жой олади.
