"Барселона" Жерар Пике фаолиятини тугатгандан сўнг марказий ҳимоячи сотиб олиш учун январь ойидаги трансфер бозорига кирмасликка қарор қилди, деб хабар беради Mundo Deportivo.
Нашрнинг ёзишича, “Барса” Маркос Алонсо марказий ҳимоячи позициясида яхши ҳаракат қиляпти, деб ҳисобламоқда. Бош мураббий Хави Эрнандеснинг фикрича, футболчи ҳеч бўлмаганда мавсум охиригача Пикенинг йўқлигини билдирмасликка қодир.
Аввалроқ Каталония клуби 31 ёшли ҳимоячи билан шартномани узайтириш ниятида экани ҳақида хабар берилганди. "Барселона" билан амалдаги шартнома жорий мавсум охиригача амал қилади.
Алонсо шу ёзда "Челси"дан текинга "Барселона"га ўтди. Жорий мавсумда у барча мусобақаларда 12 та ўйин ўтказиб, 1 та гол урди.
